Муҳаммад Салоҳ "Ливерпуль"даги тўққиз йиллик фаолиятини якунлаш қарорига Стивен Жеррард қандай таъсир қилганини ўртоқлашди. Мисрлик ҳужумчи жорий мавсум охирида эркин агент сифатида жамоани тарк этади. Бу ҳақда Goal.com хабар беради.
Салоҳ TNT Спортс каналига берган интервьюсида Жеррард билан ўз уйида ёпиқ кечки овқат устида суҳбатлашганини айтди. У собиқ сардорнинг маслаҳати қарор қабул қилишида бурилиш нуқтаси бўлганини таъкидлади.
"Суҳбатимиздан жуда хурсандман. Одамлар сенинг уйимга келганингни билишмасди.
Фикрингни билдирдинг ва мен буни қадрлайман", деди Салоҳ Жеррардга юзланиб.
Жеррард Салоҳга клуб тарихидаги энг яхши ўйинчилардан бири сифатидаги мақомига мос равишда, ўз шартлари асосида кетишни маслаҳат берган. Салоҳ "Ливерпуль" сафида 257 та гол уриб, тўпурарлар рўйхатида учинчи ўринда туради.
Ҳужумчи ҳозирда "Кристал Пэлас"га қарши ўйинда олган жароҳатидан тикланмоқда. У "Манчестер Юнайтед"га қарши баҳсни ўтказиб юборса-да, мавсумнинг сўнгги ўйинига қадар майдонга қайтишига ишонч билдирди.
“Zamin”ни Telegram'да ўқинг!
