Мэриленд университети ва Брукҳевен миллий лабораторияси муҳандислари рух аккумуляторларининг рекорд даражадаги самарадорлигини таъминловчи электролит тузилмасини ишлаб чиқди. Бу ҳақда Ixbt.com хабар беради.
Профессор Чуншенг Ванн ва доктор Детсзян Дун бошчилигидаги тадқиқотчилар гуруҳи рух батареяларининг фундаментал муаммосига ечим топди. Илгари бундай қувват элементлари сув молекулаларининг парчаланиши ва рух дендритларининг ўсиши туфайли қисқа хизмат қилиш муддатидан азият чекарди.
Олимлар қиммат ва ёпишқоқ таркибларга қолишмайдиган, юқори ўтказувчанлик ва паст таннархни сақлаб қоладиган паст консентратсияли сувли электролитларни яратди.
Тадқиқотчилар фторланган анионлар ва донор сони 18 дан юқори бўлган тузлардан фойдаланди. Бу манфий зарядланган ионлар нафақат рух ионлари, балки атрофдаги сув молекулалари билан ҳам боғланадиган ноёб молекуляр тузилмани шакллантиришга имкон берди.
Лаборатория тажрибалари давомида янги батареялар 130 Вт·соат/кг гача бўлган энергия зичлигида 1 000 дан ортиқ иш цикли давомида 99,99 фоиз даражасида кулон самарадорлигини намойиш этди.
“Zamin”ни Telegram'да ўқинг!
