Энрике "Бавария" билан ўйин олдидан асосий таркибга дам берди
Луис Энрике "Бавария"га қарши ўйин олдидан "Лорьян"га қарши ўйинда асосий таркибни ўзгартирди, тўққиз нафар футболчини захирага олади. Учрашув 2:2 ҳисобида дуранг билан якунланди, "PSJ" биринчи бўлимда Иброҳим Мбае голи билан олдинга чиқди, аммо Пабло Пагис ва Аегун Тосиннинг голлари билан ҳисоб тенглашди. Ушбу дурангдан сўнг "PSJ"нинг "Ланс"дан фарқи етти очкони ташкил этмоқда.
Парижнинг "PSJ" клуби Франция чемпионати доирасида "Лорьян"га қарши майдонга тушиб, 2:2 ҳисобида дуранг ўйнади. Бу ҳақда Goal.com хабар беради.
Жамоа бош мураббийи Луис Энрике "Бавария"га қарши Чемпионлар лигаси ярим финал жавоб учрашуви олдидан асосий таркибнинг тўққиз нафар футболчисини ўзгартирди.
Хусусан, Усмон Дембеле ва Хвича Кварасхелия захирада қолдирилди, Витиня эса умуман қайдномага киритилмади. Уларнинг ўрнига 19 ёшли дарвозабон Ренато Марин ва ёш ҳимоячи Пер Мунгенге каби янги номлар майдонга тушди.
Учрашув парижликлар учун муваффақиятли бошланди. Иброҳим Мбаенинг тезкор голидан сўнг мезбонлар олдинга чиқиб олди.
Бироқ, Пабло Пагис тез орада мувозанатни тиклади.
Иккинчи бўлимда захирадан майдонга тушган Уоррен Заир-Эмери яна "PSJ"ни олдинга олиб чиқди. Шунга қарамай, ёш ҳимоячи Мунгенгенинг хатоси туфайли Аегун Тосин иккинчи бор ҳисобни тенглаштирди.
Ўйин охирида ҳакам парижликлар фойдасига пенальти белгилади, аммо VAR аралашувидан сўнг бу қарор бекор қилинди. Ушбу дурангдан сўнг "PSJ" ва энг яқин таъқибчиси "Ланс" ўртасидаги фарқ етти очкони ташкил этмоқда.
Изоҳлар 0
…