«Антальяспор» футболчиси Георгий Джикиянинг агенти Владимир Кузьмичёв россиялик ҳимоячининг клубдаги келажаги юзасидан фикр билдирди. Бу ҳақда euro-football.ru хабар беради.
Агентнинг сўзларига кўра, Джикия билан ҳаммаси жойида ва клуб унга ишонмоқда. У сўнгги ўйинларда майдонга тушмаганига сабаб микрожароҳат бўлгани, ҳозир эса тўлиқ тиклангани айтилди. Кузьмичёвнинг таъкидлашича, ҳимоячи кейинги учрашувда яна асосий таркибда кўриниши мумкин.
Эслатиб ўтамиз, аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикия жорий мавсум Туркия чемпионатида 12 та ўйинда қатнашиб, 2 бор рақиб дарвозасини ишғол қилди. Футболчининг «Антальяспор» билан шартномаси 2027 йил ўрталаригача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
