«Анталяспор» ҳимоячиси Георгий Жикиянинг агенти Владимир Кузмичёв футболчининг келажаги борасидаги гап-сўзларга муносабат билдирди. Бу ҳақда euro-football.ru хабар беради.
Агентнинг таъкидлашича, Жикиянинг аҳволи яхши ва клуб унинг хизматига таянамоқда. Сўнгги ўйинларда у майдонга тушмагани сабаби микрожароҳат бўлган, ҳозир эса тўлиқ тикланган. Кузмичёвнинг фикрича, ҳимоячи кейинги учрашувдайоқ сафга қайтиб ўйнаши мумкин.
Аввалроқ ОАВда турк клуби «Спартак»нинг собиқ сардори билан хайрлашишни истаётгани ҳақида хабарлар тарқалган эди.
Жикия жорий мавсум Туркия чемпионатида 12 та учрашувда қатнашиб, 2 бор рақиб дарвозасини ишғол қилди. Унинг «Анталяспор» билан шартномаси 2027 йил ўрталаригача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
