"Beeline" Москвада 5-9 май кунлари алоқа чекланишини тасдиқлади
"Beeline" оператори Москвада 5-9 май кунлари мобил алоқа ва SMS хизматларида чекловлар бўлиши мумкинлигини эълон қилди. Бу чоралар пойтахтда ўтказиладиган байрам тадбирлари билан боғлиқ. Абонентларга Wi-Fi тармоқларидан фойдаланиш ва VoLTE технологиясини ишлатиш тавсия этилмоқда. Бошқа операторлар бу масалада ҳозирча изоҳ бермаган.
"Beeline" оператори Москвадаги абонентларига 5 майдан 9 майгача мобил алоқа ва SMS хизматларида юзага келиши мумкин бўлган чекловлар ҳақида огоҳлантириш хабарларини юборишни бошлади. Компания вакилларининг маълум қилишича, бу чоралар пойтахтда ўтказиладиган байрам тадбирлари билан боғлиқ. Бу ҳақда Ixbt.com хабар беради.
Абонентларга интернетга уланиш учун олдиндан Wi-Fi тармоқларига таяниш, овозли қўнғироқлар учун эса VoLTE технологиясидан фойдаланиш тавсия этилмоқда. Бошқа йирик алоқа операторлари, жумладан "MTS", "Мегафон" ва "T2" ҳозирча бу борада изоҳ беришдан бош тортди.
Эслатиб ўтамиз, Москва минтақасида мобил интернет билан боғлиқ кенг кўламли узилишлар 2025 йилнинг май ойида ҳам кузатилган эди. Кейинчалик бундай чекловлар амалиёти бошқа ҳудудларга ҳам тарқалди.
Расмийлар буни хавфсизликни таъминлаш зарурати билан изоҳлаган.
Изоҳлар 0
…