«Монако»нинг ярим ҳимоячиси Пол Погба навбатдаги ўйинда майдонга тушмайди. Улар Чемпионлар лигаси доирасида Турин «Ювентус»ига қарши баҳс олиб боради. Бу ҳақда euro-football.ru хабар беради.
Бу қарор кутилмаган янгилик бўлгани йўқ: Погба жорий мавсумда деярли умуман ўйин амалиётига эга эмас ва «Монако» таркибида фақат номигагина қайд этилмоқда.
Клуб бош директори Тьяго Скюро яқинда вазиятга изоҳ берди: «Погба бўйича режа иш бермади. Унга спорт формасини тиклаш ва ўйин дақиқаларини йиғиш қийин. Бу ёпиқ айлана, биз ечим излаяпмиз», — деди у.
Эслатиб ўтамиз, Погба билан шартнома 2027 йил 30 июнгача мўлжалланган. Бир томондан вақт бор, бироқ бошқа томондан у жуда тез ўтиб кетаётгандек. Погба аввалроқ фаолиятида икки бор Турин «Ювентус»и сафида тўп сурган.
“Zamin”ни Telegram'да ўқинг!
