Чемпионлар Лигасида умумий босқич якунга етди. Энди навбат плей-оффга: 16 жамоа стык ўйинлари раундда майдонга тушиб, 1/8 финалга йўлланма берадиган саккизта чипта учун курашади. Умумий босқичнинг энг кучли саккиз жамоаси эса 1/8 финал йўлланмасини аллақачон қўлга киритган. Бу ҳақда euro-football.ru хабар беради.
Шу орада УЕФА Чемпионлар Лигаси финали учун мўлжалланган расмий тўпни намойиш қилди. У тўқ ранглар уйғунлигида бўлиб, унда оқ юлдузлар акс этган. Тўп Adidas компанияси томонидан ишлаб чиқарилган.
2025/2026 йилги мавсум Чемпионлар Лигаси финали Будапешт шаҳрида бўлиб ўтади. “Қулоқли” соврин учун ҳал қилувчи учрашув 30 май, шанба куни Тошкент вақти билан ўйналади.
Ҳозирги амалдаги чемпион — “ПСЖ”. Ўтган финалда парижликлар “Интер”ни йирик ҳисобда мағлуб этиб, 5:0 натижа қайд этганди.
“Zamin”ни Telegram'да ўқинг!
