"Бавария" ҳужумчиси Гарри Кейн Европанинг беш кучли чемпионатида 300 та гол чегарасига етган футболчилар сафига қўшилди. Бу ҳақда euro-football.ru хабар беради.
Англиялик форвард бу натижага эришган тарихдаги тўққизинчи ўйинчи бўлди. Кейннинг юбилей — 300-голи Бундеслиганинг шанба кунги "Вердер"га қарши баҳсида (3:0) киритилди. Ундан аввал бу маррани Лионель Месси, Криштиану Роналду, Роберт Левандовски, Джимми Гривз, Герд Мюллер, Стив Блумер, Дикси Дин ва Златан Ибрагимович босиб ўтган.
Топ лигаларда энг кўп гол муаллифи ҳозирча Лионель Месси бўлиб қолмоқда — 396 та. Криштиану Роналду ундан атиги битта гол ортда. Ҳар иккаласи ҳам фаолиятини давом эттирмоқда, бироқ ҳозир Европадан ташқарида ўйнамоқда.
Кейн "Бавария"га кўчиб ўтишидан олдин узоқ йиллар "Тоттенхэм" шарафини ҳимоя қилган.
“Zamin”ни Telegram'да ўқинг!
