Olimlar Bennu asteroidi va Yer toʻqnashuvi ehtimolini qayta hisoblab chiqishdi va mumkin boʻlgan oqibatlarini baholashdi. Xulosalar optimistik emas – toʻqnashuv global harorat pasayishi va oʻsimliklarning kamayishiga olib kelishi mumkin.
Bennu asteroidi erga 2182-yil sentyabr oyida urilishi mumkin. Hozirgi baholarga koʻra, uning toʻqnashuv ehtimoli 1:2700 yoki 0,04%. Asteroidning diametri 500 metr, va agar u yerga tushsa, sayyora uchun jiddiy oqibatlarga olib kelishi aniq.
Olimlar modellashtirish natijalariga koʻra, 100–400 million tonna chang atmosferaga tarqaladi, bu esa quyosh nurlarining yerga tushishini kamaytiradi va fotosintez jarayoniga katta zarar etkazadi. Oʻrtacha global harorat 4°C ga pasayadi, yogʻingarchiliklar esa 15% ga kamayadi. Natijada, quruqlik va dengiz ekotizimlari fotosintezi 20–30% ga qisqaradi, bu esa butun dunyo boʻylab oziq-ovqat xavfsizligiga tahdid soladi.
Shuningdek, dengiz ekotizimlari tez tiklanishi mumkin. Dengizlarga asteroid zarbasi natijasida hosil boʻlgan minerallar, ayniqsa temir moddasi, tushishi natijasida planktonlar faol koʻpayadi. Bu esa oʻz navbatida oziq-ovqat zanjirining qayta tiklanishiga yordam beradi.
Tarixga qaraganda, insoniyat bunday zarbalaraga bardosh berib kelgan. Olimlarning hisob-kitobiga koʻra, bunday hajmdagi asteroidlar har 100-200 ming yilda bir marta yerga tushadi. Demak, ajdodlarimiz shunday sinovlarni boshdan kechirgan va omon qolgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
