Italiyalik rassom Mauritsio Kattelan yaratgan 18 karatli oltin hojatxona yaqin orada auksionga chiqadi, deb xabar berdi ABC News.
Bu "Amerika" deb nomlangan noodatiy asar 101 kilogramm toza oltindan yasalgan bo‘lib, 18 noyabr kuni Nyu-Yorkdagi Sotheby's auksionida 10 million dollardan savdoga qo‘yiladi.
Auksion vakillari ma’lum qilishicha, xaridorlar narxni onlayn kuzatib borish imkoniga ega bo‘ladi. Biroq ekspert Devid Galperin bu asarga "o‘tirish" mumkin emasligini, uning san’at qiymati boshqa narsa ekanini ta’kidladi.
Ma’lumot uchun, "Amerika" nomi berilgan hojatxonaning ilk versiyasi 2016 yilda Nyu-Yorkdagi muzeyda o‘rnatilgandi. Ammo 2019 yilda u o‘g‘irlab ketilgan. Keyinroq rassom uning yangilangan nusxasini yaratib, yana jamoatchilikka namoyish etdi.
Kattelanning so‘zlariga ko‘ra, bu asar cheksiz boylik va insonning shon-shavkatga bo‘lgan haddan tashqari intilishini ifoda etadi. Auksion mutaxassislari esa narxning keskin oshishi mumkinligini ta’kidlamoqda.
Avvalroq esa Amerikada Somatis nomli startap jamoat hojatxonalarini avtomatik tozalaydigan robotni ishlab chiqqanini ma’lum qilgan edi.
“Zamin”ni Telegramʻda oʻqing!
