Britaniyada uch nafar ota-onaning DNKsiga ega bo‘lgan bolalar tug‘ildi

Britaniyada mitoxondrial donorlik terapiyasi doirasida uch nafar insonning DNKsiga ega sakkiz nafar bola tug‘ildi. Gap to‘rtta qiz va to‘rtta o‘g‘il bola, shu jumladan bir juft yakka tuxumli egizaklar haqida ketmoqda.

Ushbu muolaja mitoxondriyadagi mutatsiyalar tufayli yuzaga keladigan og‘ir irsiy kasalliklarning oldini olishga qaratilgan edi. Ushbu usul bunday kasalliklarni bolasiga o‘tkazish xavfi yuqori bo‘lgan ayollarga sog‘lom ayol-donorning mitoxondriyalaridan foydalangan holda farzand ko‘rish imkonini beradi. Bu holatda bolaning DNKsining 99,98 foizi ota-onaniki bo‘lib qoladi, qolgan 0,02 foizi esa donorga tegishli bo‘ladi.

Muttaxassislarning aytishicha, bunday holatlar ona tomonidan o‘tadigan kasalliklarning oldini olishda katta yutuq hisoblanadi. Mitoxondrial kasalliklar Britaniyada tug‘iladigan har 5000 boladan birida uchraydi. “Zamin”ni Telegramʻda oʻqing!