Parijda ko‘k rangdagi surat 18 mln yevroga sotildi
Iv Klyaynning faqat ko‘k tusdan iborat “Kaliforniya” kartinasi Parijdagi Christie's auksionida 18,4 million yevroga sotildi. Taqriban to‘rtga ikki metr o‘lchamdagi asar 1961 yil boshlarida, rassomning AQSHga qilgan ilk va yagona safari hamda Nyu-York va Los-Anjelesdagi ko‘rgazmalari oldidan yaratilgan. Klyayn o‘zi ishlab chiqqan ultramarin tusni “International Klein Blue” — “Xalqaro Klyayn ko‘k” nomi bilan patentlagan va bu rangni “cheksizlik ramzi” deb bilgan.
Fransuz rassomi Iv Klyaynning faqat bitta rang — ko‘k tusdan iborat “Kaliforniya” nomli kartinasi Parijdagi Christie's auksionida 18,4 million yevroga sotildi, deb xabar berdi BFMTV.
Taqriban to‘rtga ikki metr o‘lchamdagi bu asar rassomning xususiy kolleksiyalarda saqlanayotgan eng katta monoxrom ishlaridan biri hisoblanadi.
“Kaliforniya” 1961 yil boshlarida, Klyaynning AQSHga qilgan ilk va yagona safari hamda Nyu-York va Los-Anjelesdagi ko‘rgazmalari oldidan yaratilgan.
Iv Klyayn o‘zi ishlab chiqqan maxsus ultramarin tusni “International Klein Blue” — “Xalqaro Klyayn ko‘k” nomi bilan patentlagan. Uning ta’kidlashicha, har bir monoxrom asar alohida muhit va ma’noga ega bo‘lib, rassom uchun bu rang “cheksizlik ramzi”ni anglatgan.
Christie's vakillarining aytishicha, surat yuzasiga sepilgan mayda shag‘allar dengiz tubi yoki okean chuqurliklarini eslatuvchi tuyg‘u uyg‘otadi.
Iv Klyayn 1962 yilda 34 yoshida vafot etgan, ammo uning ko‘k rang orqali yaratgan falsafasi hali ham san’at olamida qiziqish uyg‘otmoqda.
Izohlar 0
…