Xitoyning Yunnan viloyatida joylashgan “Land of Wilderness” mavzuli bog‘i haykallari orqali tashrif buyuruvchilarni qo‘rqitib qo‘ygani uchun keskin tanqidga uchradi, deb xabar berdi CNA.
Parkdagi ayrim haykallar — jumladan, qirg‘oqqa o‘xshash odam surati va uch boshli qiz haykali — mehmonlar orasida «dahshatli» deb baholandi. Ijtimoiy tarmoqlarda ko‘plab foydalanuvchilar bu eksponatlar bog‘ atmosferasini “ertak emas, dahshatli filmga o‘xshatib qo‘ydi”, deb yozishdi.
Ma’lumotlarga ko‘ra, park 2020 yilda rassom Qiao Xiaodao tomonidan ochilgan bo‘lib, u qiziga “ertaklar olami”ni yaratishni maqsad qilgan. Ammo g‘aroyib dizaynlar hammaga ham yoqmagan.
Tanqidlardan so‘ng park ma’muriyati rasman uzr so‘radi va jamoat fikrini inobatga olgan holda ayrim haykallarni olib tashladi.
“Biz tashrif buyuruvchilarning fikrini qadrlaymiz va park muhitini yaxshilash ustida ishlayapmiz”, — deyiladi park bayonotida.
