2026-yildan boshlab «Uzaviatsiya» agentligi davlat byudjetidan ajratiladigan mablag‘larsiz faoliyat yuritishni boshlaydi. Bu qaror aviatsiya sohasida boshqaruvning yangi tizimini belgilab bergan prezident farmonida aks etgan.
Shuningdek, 2025-yil oxiridan boshlab «Uzaeronavigatsiya» korxonasining sof foydasidan 20 foizini agentlikni rivojlantirish jamg‘armasiga o‘tkazish amaliyoti to‘xtatiladi. Ushbu mablag‘lar endi to‘liq korxona tasarrufida qoladi.
Hukumat 2030-yilgacha aviatsiyani rivojlantirish bo‘yicha aniq maqsadlarni belgilab berdi. Rejaga ko‘ra, besh yil ichida yo‘lovchilar oqimi 24 million kishiga yetkaziladi, ichki va xalqaro reyslar soni 200 ming taga yetadi, shuningdek, o‘zbek aviakompaniyalari parkiga 180 ta samolyot qo‘shiladi.
