"Domodedovo" aeroportining yangi egasi Sheremetevo sho‘ba korxonasi - "Perspektiva" MCHJ bo‘ldi. Bu haqda RBK xabar bermoqda.
Savdolar davomida narx dastlab e’lon qilingan 132,2 mlrd rubldan minimal taklif narxigacha ikki baravar pasaydi. Kimoshdi savdosida Vnukovo aeroportiga egalik qiluvchi kompaniya ham ishtirok etdi.
RBK ma’lumotlariga ko‘ra, Domodedovoning yangi egalari aeroportning 75 mlrd rubldan ortiq kreditlar bo‘yicha qarzini to‘lashga majbur bo‘ladi.
Domodedovani sotish bo‘yicha birinchi kimoshdi savdosi xaridorlar yo‘qligi sababli o‘tkazilmadi. Ishtirok etish uchun yagona ariza yakka tartibdagi tadbirkor Yevgeniy Bogatiy tomonidan yuborilgan. Komissiya erkakni savdoga qo‘ymadi, chunki u barcha hujjatlarni taqdim etmagan.
2025-yil iyun oyida Domodedovo aeroporti Moskva viloyati Arbitraj sudi qarori bilan davlat mulkiga o‘tkazildi. Sud aeroport benefitsiarlari boshqa davlatlar (Turkiya, BAA va Isroil) rezidentlari bo‘la turib, mamlakat uchun strategik aktivlarga egalik qilganliklarini va foydani chet elga olib chiqib ketganliklarini tan oldi, bu esa Rossiya Federatsiyasi qonunchiligini buzadi.
O‘tgan yil oxirida Rossiya moliya vaziri Anton Siluanov Domodedovani xususiylashtirish bo‘yicha auksion 2026-yil boshida bo‘lib o‘tishini, potensial investorlar topilganini aytgandi. Yanvar oyi o‘rtalarida Domodedovo "Avito"da sotuvga qo‘yildi.
“Zamin”ni Telegramʻda oʻqing!
