2025 yil 4 dekabr kuni Kaliforniyada shifokor Salvador Plasensiya aktyor Mettyu Perrining o‘limi ishi bo‘yicha 30 oy qamoq jazosiga hukm qilindi, deb xabar berdi BBC. Shifokor mashhur "Do‘stlar" seriali yulduzini noqonuniy ravishda ketamin bilan ta’minlagan.
Sudda Plasensiya qilgan ishlaridan chin dildan afsusda ekanini bildirdi va uzr so‘radi. U buni o‘z klinikasining moliyaviy muammolari va katta miqdordagi pul vasvasasiga berilganligi bilan izohladi.
"Mening qilgan ishlarga oqlovim yo‘q. Men bo‘lgan voqealarni qaytarib tuzatolmayman. Men buni bilaman. Men uni himoya qilishim kerak edi, onasi aytganidek. Menda juda katta afsus bor," dedi Plasensiya.
Shifokor to‘rtta ayblov bo‘yicha aybini tan oldi. Ishdagi qolgan to‘rtta gumondorga, jumladan Perrining shaxsiy yordamchisi va "ketamin malikasi" laqabli shaxsga nisbatan hukm kelgusi oylarda chiqarilishi kutilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
