Reuters xabar berishicha, AQSh prezidenti Donald Tramp Rossiya va Ukraina o‘rtasidagi urushni yakunlash bo‘yicha kelishuvga erishish imkoniyati ancha yaqinlashganini aytdi. U bu haqda Shveysariyaning Davos shahrida o‘tayotgan Jahon iqtisodiy forumi doirasida so‘zladi.
Trampning ta’kidlashicha, hozir tomonlar kelishuvga erishish uchun yetarli darajada yaqin turibdi. Uning fikricha, agar Rossiya va Ukraina rahbarlari muzokaralarga bormasa, bu oqilona qaror bo‘lmaydi. Prezident urushni diplomatik yo‘l bilan yakunlash mumkinligiga ishonch bildirdi.
Shuningdek, Donald Tramp kun davomida Ukraina prezidenti Volodimir Zelenskiy bilan uchrashuv o‘tkazishini ma’lum qildi. Ushbu uchrashuvda urushni to‘xtatish va tinchlikka erishish masalalari muhokama qilinishi kutilmoqda.
Tramp bu bayonotlarni Jahon iqtisodiy forumi doirasidagi savol-javob sessiyasi vaqtida berdi. Forumda global xavfsizlik, iqtisodiyot va yirik mojarolarni hal etish masalalari muhim mavzular qatorida muhokama qilinmoqda.
“Zamin”ni Telegramʻda oʻqing!
