Donald Tramp o‘zining ijtimoiy tarmoqdagi bayonoti orqali Hormuz bo‘g‘ozi atrofidagi vaziyat bo‘yicha keskin va qat’iy ko‘rsatma berdi. Uning so‘zlariga ko‘ra, AQSH Harbiy-dengiz kuchlariga ushbu hududda minalar o‘rnatishga uringan har qanday qayiqni — hatto kichik bo‘lsa ham — darhol yo‘q qilish buyurilgan.
Trampning ta’kidlashicha, bu borada “hech qanday ikkilanish bo‘lmasligi kerak”. U AQSH kemalari har qanday tahdidga qarshi qat’iy harakat qilishini alohida urg‘ulagan.
Shuningdek, u Hormuz bo‘g‘ozida minalarni zararsizlantirish bilan shug‘ullanayotgan maxsus kemalar faoliyati allaqachon boshlanganini ma’lum qilgan. Uning aytishicha, bu ishlar hozirda davom etmoqda va ularni yanada kengaytirish, ya’ni uch baravar oshirish bo‘yicha ham topshiriq berilgan.
Mutaxassislar bunday keskin buyruqlar mintaqadagi taranglikni yanada oshirishi mumkinligini aytmoqda, chunki Hormuz bo‘g‘ozi jahon energetika yo‘llarining eng muhim nuqtalaridan biri hisoblanadi.
“Zamin”ni Telegramʻda oʻqing!
