12:16 / 20.11.2015
3 995

Qirg‘izistonda terrorchilar qochib ketgan tergov izolyatorining sobiq boshlig‘i o‘zini osib qo‘ydi

Qirg‘izistonda terrorchilar qochib ketgan tergov izolyatorining sobiq boshlig‘i o‘zini osib qo‘ydi

Qirg‘izistonda terrorchilar qochib ketgan 50-tergov izolyatorining sobiq boshlig‘i, polkovnik Imonqul Teltaev o‘zini osib qo‘ydi. Bu haqda respublika jazoni ijro etish davlat muassasasi matbuot xizmati vakili ma’lum qildi, deya xabar beradi «Nur.kz».

«Bugun (20 noyabr) tongda 1-tergov izolyatorining tibbiy-sanitariya qismi palatasida 50-tergov izolyatorining sobiq boshlig‘i Imonqul Teltaev o‘zini osib qo‘ydi. U izolyatorga keltirilgach sog‘ligidan shikoyat qilgan va tibbiy-sanitariya qismiga joylashtirilgandi. Teltaev palatada bir o‘zi bo‘lgan», — deya ta’kidlagan matbuot xizmati vakili.

Eslatib o‘tamiz, 12 oktyabr kuni Qirg‘izistondagi 50-tergov izolyatoridan mamlakatda taqiqlangan «Jayshul Mahdiy» tashkilotining to‘qqiz nafar a’zosi qochib ketgan. Qochishga urinish va 10 kun davom etgan qidiruv operasiya davomida jami 13 kishi — olti nafar terrorchi va etti nafar tinch aholi hamda huquq-tartibot idoralari vakillari halok bo‘lgan. Uch nafar terrorchi ozodlikda qolmoqda.

Imonqul Teltaev mazkur hodisadan so‘ng lavozimidan bo‘shatilgan va 11 noyabrda «Xizmat vazifasiga sovuqqonlik bilan qarash» moddasi bo‘yicha ochilgan jinoiy ish doirasida hibsga olingandi.


Manba: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Qirg‘izistonda terrorchilar qochib ketgan tergov izolyatorining sobiq boshlig‘i o‘zini osib qo‘ydi
[/banner_pushhouse