Farg‘onada operatsiyadan so‘ng prokuror vafot etdi

Farg‘onada xususiy klinikada o‘tkazilgan operatsiyadan so‘ng prokuratura xodimi vafot etdi, deb Podrobno.uz xabar berdi. Vafot etgan shaxs — 33 yoshli Muhammad Husaynov bo‘lib, u Bosh prokuratura huzuridagi Iqtisodiy jinoyatlarga qarshi kurash departamentining viloyat boshqarmasida operativ vakolatli lavozimida ishlagan.

U rejalashtirilgan burun operatsiyasi uchun tibbiyot muassasasiga murojaat qilgan. Yaqinlarining aytishicha, u o‘zini yaxshi his qilgan va sog‘lig‘idan shikoyat qilmagan. Biroq operatsiya boshlangach, oradan ko‘p o‘tmay vafot etgan.

Podrobno.uz muxbirining so‘roviga javoban Bosh prokuratura vakili Farg‘ona viloyat prokuraturasi ushbu holat yuzasidan tekshiruv boshlaganini ma’lum qilgan. “Zamin”ni Telegramʻda oʻqing!