“Oldimizda bitta yo‘l bor edi — g‘alabani saqlab qolish”: Islombek Ismoilov shonli g‘alabadan so‘ng nimalar dedi?

Osiyo chempioni unvoni bilan yurtimizga qaytib kelgan O‘zbekiston U-17 terma jamoasi bosh murabbiyi Islombek Ismoilov muhim g‘alabadan so‘ng ilk bayonotini berdi. Uning aytishicha, ushbu yurish — nafaqat jamoaning, balki butun millatning yutug‘i bo‘ldi.

“Yuksak e’tirof va yuksak yutuq”
“Albatta, bu biz uchun yuksak e’tirof, yuksak yutuq. Bosh murabbiy sifatida buning uchun barchaga minnatdorchilik bildiraman. Bu g‘alaba yo‘lida juda ko‘p insonlar mehnat qildi. Ularga alohida rahmat aytaman. Hozirgi his-tuyg‘ularni so‘z bilan ifoda etib bo‘lmaydi,” — dedi Ismoilov.

“9 kishi qolgandan keyin faqat bitta yo‘l bor edi”
Bosh murabbiy finaldagi o‘ta dramatik vaziyat — ikki nafar futbolchi maydondan chetlatilganidan keyingi holat haqida ham fikr bildirdi:

“Birinchi bo‘limdan so‘ng 9 kishi qoldik. Oldimizda boshqa yo‘l qolmagandi. Faqat bitta yo‘l — o‘yinni saqlab qolish, g‘alabaga yetib borish. Murabbiylar shtabi bilan birga to‘g‘ri yechim topa oldik, deb o‘ylayman. Futbolchilar haqiqiy matonat namoyon etishdi va biz g‘alabani ilinjiga erishdik.”

“Qizil kartochkalar ta’sir qildi, lekin ishonch yo‘qolmadi”
Ismoilov ruhiy jihatdan jamoani qanday tayyorlaganini ham ta’kidladi:

“Ikkita qizil kartochka albatta ta’sir qildi. Biroq murabbiy sifatida ruhiy tushkunlikka berilmaslikka harakat qildim. Tanaffusda futbolchilarning ruhini ko‘tarishga intilildik va buning uddasidan chiqdik.”

Siz nima deb o‘ylaysiz — Islombek Ismoilov kelajakda katta terma jamoani boshqara oladimi? Uning strategiyasi va jasorati sizga yoqdimi? “Zamin”ni Telegramʻda oʻqing!