00:23 / 28.11.2015
6 193

Ekspertlar imperator Aleksandr III mozorini ochishni yakunladi

Ekspertlar imperator Aleksandr III mozorini ochishni yakunladi

27 noyabr, juma kuni Romanovlar imperatorlik uyi a’zolari halokatiga oid jinoiy ish doirasida imperator Aleksandr III mozorini ochish yakunlandi. Bu haqda muassasalararo ishchi guruhdagi manbaga tayanib, «TASS» xabar bermoqda.

Ekspertlar mozorni ochish davomida imperator Nikolay II ga tegishli ekanligi taxmin qilinayotgan jasad qoldiqlari bilan solishtirib ko‘rish maqsadida irsiy tahlil uchun DNK-namunalar olgan.

Manbaning ta’kidlashicha, barcha ishlar Tergov qo‘mitasi, Rossiya hukumati va rus pravoslav cherkovi vakillari ishtirokida amalga oshirilgan. Qabrni o‘rganish jarayonida ushbu mozor sovet yillarida ham ochilgan bo‘lishi mumkinligi to‘g‘risidagi taxminlar tasdiqlanmadi.

Eslatib o‘tamiz, oldinroq Rossiya Tergov qo‘mitasi Romanovlar imperatorlik uyi a’zolarining halok bo‘lishi bilan bog‘liq jinoiy ish yuzasidan tekshiruvlarni qaytadan boshlashga qaror qilgani haqida xabar bergandik.


Manba: Daryo.uz


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Dunyo » Ekspertlar imperator Aleksandr III mozorini ochishni yakunladi