“Paxtakor” kiyinish xonasida Jahongir Ortiqxo‘jayev futbolchilarga ehtirosli chiqish qildi (video)

“Paxtakor” klubi rahbari Jahongir Ortiqxo‘jayev Farg‘onadagi “Neftchi” ustidan qozonilgan yirik 4:0 hisobidagi g‘alabadan so‘ng jamoa kiyinish xonasiga tashrif buyurib, futbolchilarga samimiy va ta’sirli so‘zlar yo‘lladi.

Uning so‘zlari videokadrlar orqali internetda tarqaldi va jamoa ichidagi ruh, muhit va qaynoq his-tuyg‘ularni yana bir bor namoyon etdi.

“Bugun klassikani ko‘rdik — bu super g‘alaba!”

“Bugun klassikani ko‘rdik-a, rostakasi. Super pobeda! Neprosto tak, ideal emas — superpobeda! Molodsi, bor bo‘llaring! Raxmat hammalaringga!” — dedi Ortiqxo‘jayev ruhlangan holda.

Prezident futbolchilarning mehnati va maydondagi harakatini yuqori baholar ekan, ularni faxr bilan maqtadi.

“Bo‘ldi, nimadan qo‘rqasanlar?! Chempion bo‘lamiz, Xudo xohlasa!”

Jahongir Ortiqxo‘jayev chiqish davomida futbolchilarni yanada yuqori maqsadlarga ilhomlantirdi:
“Tushunmadim, qanday o‘ynadilaring birinchi taymda, tushunmadim. Bo‘lar ekan-ku, o‘ynasa! Chempion bo‘lamizmi?! Ko‘zlaring yetyaptimi?! Bo‘ldi, nimadan qo‘rqasanlar! Chempion bo‘lamiz, Xudo xohlasa!”

U jamoani mag‘lubiyatdan keyin tushkunlikka tushmaslikka, g‘alabalarga ishonishga va doimo katta maqsadlar sari intilishga chaqiradi.

“Men hayotimda hech kimni bunday so‘kmaganman...”

Ortiqxo‘jayev o‘z so‘zlarida o‘tgandagi tanqidlarni eslab, ularni qaytadan takrorlashni xohlamasligini ta’kidladi:
“Men hayotimda hech kimni bunday so‘kmaganman. Birinchi marta bo‘ldimi, oxirgisi bo‘lsin, bo‘ladimi, yigitlar?”

Bu so‘zlar orqali u jamoa ichida faqat ijobiy ruhiyat va birdamlikni ko‘rishni xohlashini ko‘rsatdi.

“Muxlislar qanday ehtirom bilan kuzatdi — ko‘rdingizlar!”

Jamoa g‘alabadan so‘ng Farg‘onadagi muxlislar tomonidan burg‘uli ehtirom bilan kuzatib qo‘yilgani ham klub rahbarining diqqat markazida bo‘ldi:
“Bugun eng katta raqibni urdilaring — o‘z maydonida. Muxlislarga ham raxmat. Ko‘rdilaring-ku, sizlarni qanday pochyot bilan kuzatib qo‘yishdi.”

Siz nima deb o‘ylaysiz — “Paxtakor” jamoasining bu kabi ruhiy ko‘tarinkiligi chempionlikka yetadimi? Prezidentning so‘zlari jamoaga motivatsiya bo‘ladimi? “Zamin”ni Telegramʻda oʻqing!