Husanovni o‘ynatmayotgan Gvardiola kechagi fantastik g‘alaba haqida nimalar dedi?

Angliya Premer-ligasining 34-turida mamlakatning amaldagi chempioni — “Manchester Siti” o‘z maydonida muhim va juda qattiq “g‘alaba”ga erishdi. Ular chempionlik uchun to‘g‘ridan to‘g‘ri raqobatchi hisoblangan “Aston Villa”ni 2:1 hisobida mag‘lub etdi.

Diash “shaharliklar”ni qutqardi

Bellashuvning hal qiluvchi to‘pini Ruben Diash o‘yinning oxirgi lahzalarda kiritib, “Siti”ga yana 3 ochko olib keldi. Bu g‘alaba bilan manchesterliklar jami 61 ochkoga ega bo‘lishdi va chempionlik uchun kurashda mavqeini mustahkamlashdi.

Abduqodir Husanov yana zaxirada

O‘zbekistonlik himoyachi Abduqodir Husanov bu gal ham asosiy tarkibga kiritilmadi, u butun uchrashuvni zaxirada kuzatib bordi. Bu holat uning maydonga qaytish imkoniyati atrofida savollar uyg‘otmoqda.

Gvardiola: “Aston Villa – kuchli raqib, shunchaki jamoa emas”

O‘yindan so‘ng “Siti” bosh murabbiyi Xosep Gvardiola matbuot anjumanida g‘alaba haqida shunday fikr bildirdi:

“Juda baxtiyorman. Biz endi chempionatning eng muhim bosqichiga kirdik — oldindagi to‘rtta uchrashuv taqdirimizni hal qiladi. Agar ularda yuta olsak, mavsumdagi asosiy masalani yechgan bo‘lamiz.”

“Aston Villa kuchli jamoa ekanini tushunish uchun katta aql shart emas. Ular shunchaki raqib emas, har tomonlama bosim ostida o‘ynaydigan jamoa. Biz ham barcha kuchimizni berdik,” — deb ta’kidladi murabbiy.

Siz nima deb o‘ylaysiz — Gvardiolaning “Siti”si qolgan to‘rt o‘yinda ham g‘alaba qozonib, chempionlikni ta’minlaydimi? Husanov qachon asosiy tarkibda qaytishi mumkin? “Zamin”ni Telegramʻda oʻqing!