Yaponiyalik mutaxassislarning yangi tadqiqoti shuni koʻrsatdiki, ratsionimiz tarkibi uyqu sifatiga bevosita ta'sir qiladi. Makronutriyentlar — oqsillar, uglevodlar, yogʻlar va kletchatkalar uyquni yaxshilash yoki yomonlashtirish qobiliyatiga ega, demak, toʻgʻri ovqatlanish uyquni normallashtirish uchun samarali vosita boʻlishi mumkin, deb yozadi Daryo nashri.
Sukuba universiteti qoshidagi Xalqaro integrativ uyqu tibbiyoti instituti olimlari ikkita mobil ilova — Asken va Pokemon Sleep’dan foydalanuvchi 4 825 kishining ma'lumotlarini tahlil qilishdi. Birinchisi ishtirokchilarning ovqatlanish odatlarini kuzatish imkonini berdi, ikkinchisi esa ularning uyqusining turli parametrlarini qayd etdi. Tajriba ishtirokchilari orasida ayollar ustunlik qildi (81,6%), ularning oʻrtacha yoshi taxminan 37 yoshni tashkil etdi. Tadqiqot davomida ishtirokchilar ikkala ilovadan kamida etti kun ketma-ket foydalanishlari kerak edi.
Mutaxassislar ratsion tarkibi va uyqu koʻrsatkichlari: umumiy davomiylik, uyquga ketish vaqti va tungi uygʻonish chastotasi oʻrtasidagi bogʻliqlikni oʻrganishdi. Oqsillar, yogʻlar, uglevodlar, kletchatkalar, ovqatdagi natriy va kaliy nisbatiga alohida e'tibor berildi. Uyqu ma'lumotlari uyquning umumiy vaqti, uyqu davomiyligi va uyqudan keyingi uygʻoqlik vaqti foizini (%WASO) oʻz ichiga oldi, bu uyqu samaradorligining muhim koʻrsatkichi hisoblanadi.
Natijalar shuni koʻrsatdiki, koʻproq oqsil iste'mol qilgan odamlar kamroq oqsil iste'mol qilganlarga qaraganda oʻrtacha 10−11 daqiqa koʻproq uxlagan. Shu bilan birga, taomnomada yogʻlarning yuqori miqdori uyquning 6−10 daqiqaga qisqarishiga olib keldi. Uglevodlar, aksincha, %WASO ni kamaytirdi, bu esa barqaror va uzluksiz uyquni koʻrsatdi. Oziq-ovqat kletchatkalari ham foydali boʻlib, ularni iste'mol qilish uyqu davomiyligini uzaytirishga yordam bergan va uyquga ketishni tezlashtirgan.
Ratsiondagi natriy va kaliy nisbati uyquga katta ta'sir koʻrsatadi. Kaliyga nisbatan natriyni koʻproq iste'mol qilgan odamlar 6−11 daqiqa kamroq uxlagan, 1−2 daqiqa koʻproq uxlagan va tunda koʻproq uygʻongan. Bu shuni koʻrsatadiki, kaliy etishmasligi bilan ortiqcha tuz uyqu sifatiga salbiy ta'sir koʻrsatishi mumkin.
Qizigʻi shundaki, yogʻlarning uyquga ta'siri har xil boʻlib chiqdi. Monotoʻyinmagan yogʻlar uyqu vaqtini taxminan besh daqiqaga uzaytirgan va koʻproq tungi uygʻonishlarni keltirib chiqargan. Shu bilan birga, baliq, yongʻoq va kungaboqar urugʻlarida mavjud boʻlgan koʻp toʻyinmagan yogʻlar uyquning umumiy davomiyligini kamaytirgan, ammo shu bilan birga uyquga ketishni tezlashtirib, tungi uygʻonish chastotasini pasaytirgan.
Albatta, odamning uyqusiga nafaqat ovqatlanish, balki boshqa omillar ham ta'sir qiladi — stresslar, spirtli ichimliklar ichish, chekish, tungi smenalarda ishlash, ba'zi surunkali kasalliklar ham uyqu sifatiga ta'sir qilishi mumkin. Shunday boʻlsa-da, kelajakda olimlar uyquni yaxshilash uchun samarali vositaga aylanadigan parhez tavsiyalarini ishlab chiqishlari mumkin.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
