Oʻzbekiston Respublikasi Oliy Majlisi Senati yigirma toʻrtinchi yalpi majlisining kun tartibi tasdiqlanganidan soʻng senatorlar birinchi masalani koʻrib chiqishga kirishdi.
Moliya vaziri Jamshid Qoʻchqorov “2020-yil uchun Oʻzbekiston Respublikasining Davlat byudjeti toʻgʻrisida”gi Oʻzbekiston Respublikasi Qonuni haqida maʼruza qildi.
Maʼruzachi dastavval 2019-yil yakuni boʻyicha kutilayotgan makroiqtisodiy koʻrsatkichlar hamda Davlat byudjetining ijrosiga qisqacha toʻxtalib oʻtdi. Jumladan, yil yakunlari boʻyicha yalpi ichki mahsulot hajmining oʻsishi yil boshida prognoz qilingan 5,4 foiz oʻrniga 5,5 foizga oʻsishi kutilmoqda. Jahon banki hamda Osiyo taraqqiyot banki baholari ham shuni tasdiqlamoqda.
Bunda, oʻsish qurilish sohasida 11,8 foiz, sanoatda 6,4 foiz va xizmatlar sohasi 6,1 foizni, qishloq xoʻjaligida esa 3 foizni tashkil etishi kutilmoqda. 2019-yil yakunlariga koʻra Davlat byudjeti daromadlari 112 trln. 600 mlrd. soʻmni yoki oʻtgan yilga nisbatan 42 foizga oshishi kutilmoqda.
2020-yil uchun Davlat byudjetining jami xarajatlari 131,1 trln. soʻm miqdorida prognoz qilinmoqda.
Davlat byudjeti xarajatlarini sohalar kesimida tahlil qilinadigan boʻlsa, ijtimoiy soha xarajatlari 66 trln. soʻm tashkil etmoqda.
Investitsiya dasturi asosida ijtimoiy soha obyektlariga qilinadigan kapital xarajatlarni (5,7 trln. soʻm) hisobga olgan holda ijtimoiy sohaga ajratilayotgan mablagʻlar ulushi 55 foizga yetadi va oʻtgan yilga nisbatan 24,2 foizga oʻsadi.
2020-yilda YAIMning 5,5 foiz, sanoat mahsulotlari ishlab chiqarishning 6,5 foiz, qishloq xoʻjaligi mahsulotlari ishlab chiqarishning 4 foiz; kapital quyilmalar hajmining kamida 10 foiz; chakana savdo aylanmasining 5,6 foiz; xizmat koʻrsatish hajmining 5,7 foiz oʻsishi prognoz qilindi. Davlat byudjeti loyihasi ushbu makroiqtisodiy koʻrsatkichlar parametlari asosida ishlab chiqildi.
Taʼlim, tibbiyot, tadbirkorlikni qoʻllab-quvvatlash, qishloq xoʻjaligini rivojlantirish, infratuzilmani yaxshilash va boshqa yoʻnalishlar boʻyicha qariyb 100 ta maqsadli dasturni amalga oshirish rejalashtirilgan. Inflyatsiya oʻsishi prognoz qilingan, hukumatda Oʻzbekiston iqtisodiyotini yanada rivojlantirishga doir aniq strategiya va model mavjud.
Oʻzbekistonning har bir fuqarosi Davlat byudjeti mablagʻlarini shakllantirish va ulardan foydalanishda ishtirok etadi. Davlat byudjeti mablagʻlarini shakllantirishda soliq toʻlovchi sifatida, ulardan foydalanishda davlat tomonidan taqdim etiladigan qulayliklar va xizmatlarning isteʼmolchisi sifatida ishtirok etadi.
2019-yildan boshlab fuqarolar tumanlar (shaharlar) byudjetlarining qoʻshimcha manbalari hisobiga moliyalashtiriladigan tadbirlarni belgilashda ishtirok etishi mumkin. Bu maqsadlarga tuman yoki shahar byudjetlari qoʻshimcha manbalarining kamida 10 foizi yoʻnaltiriladi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
