Foto: DXX
“Xavfsiz va sog‘lom yurt” keng qamrovli tezkor-profilaktik tadbirlari doirasida, Davlat xavfsizlik xizmati Xorazm viloyati boshqarmasi hamda bojxona va ichki ishlar organlari hamkorligida noqonuniy giyohvandlik aylanmasiga qarshi tezkor tadbir amalga oshirildi.
Maʼlum bo‘lishicha, tuman markazidagi avtoturargohda tekshirilgan shaxs Samarqand viloyati Urgut tumanida istiqomat qiladi va 2001 yilda tug‘ilgan. Tekshiruv jarayonida uning yuk sumkasidagi temir payvandlash uskunasi (svarka apparati) ichida noqonuniy ravishda yashirilgan 1 kg 460 gramm geroin va 27 gramm opiy aniqlandi.
Dastlabki maʼlumotlarga ko‘ra, ushbu shaxs giyohvandlik vositalarini avval Tojikistondan olib, Xorazm viloyatidagi mijozlarga sotib daromad topishni rejalashtirgan. Hozirda unga nisbatan jinoyat ishi qo‘zg‘atilgan va ushbu jinoyatga aloqador boshqa shaxslarni aniqlash bo‘yicha tezkor-tergov harakatlari faol davom etmoqda.
Davlat xavfsizlik xizmati aholini bunday qonunbuzarlik holatlarini uchratganda 1520 qisqa raqami orqali xabar berishga chaqiradi. Shuningdek, murojaat qiluvchilarning shaxsiy maʼlumotlari sir saqlanishi kafolatlanadi.
Bu hodisa jamoat xavfsizligi va qonuniylikni taʼminlashda davlat organlarining tezkor va samarali harakatlarini yana bir bor namoyon etdi.
“Zamin”ni Telegramʻda oʻqing!
