Stefan Effenberg Oliver Baumannni Julian Nagelsmann bilan bogʻlanishga chaqirdi
Stefan Effenberg TSG Hoffenheim posboni Oliver Baumannni Germaniya terma jamoasining 2026-yilgi jahon chempionatidagi asosiy darvozaboni bo'lish uchun bosh murabbiy Julian Nagelsmann bilan shaxsan bog'lanishga chaqirdi. Hozirda Manuel Neuer Yevropa chempionatidan so'ng xalqaro faoliyatini yakunlaganini e'lon qilgan bo'lsa-da, uning terma jamoaga qaytishi mumkinligi haqidagi mish-mishlar vaziyatda noaniqlik tug'dirmoqda.
Germaniya terma jamoasining 2026-yilgi jahon chempionatidagi asosiy darvozaboni kim boʻlishi hozirda nemis futbolidagi eng dolzarb mavzulardan biriga aylandi. Stefan Effenberg TSG Hoffenheim posboni Oliver Baumannni Manuel Neuer bilan raqobatda tashabbusni oʻz qoʻliga olishga va bosh murabbiy Julian Nagelsmann bilan shaxsan bogʻlanishga undadi. Bu haqda Goal.com xabar beradi.
Baumann yaqinda bergan intervyusida murabbiyning oʻziga boʻlgan ishonchi haqida gapirgan boʻlsa-da, Julian Nagelsmann hali yakuniy qaror qabul qilinmaganini taʼkidladi. Murabbiy futbolchilar bilan shaxsan gaplashib olishi kerakligini va jamoatchilik bosimi ostida qaror qabul qilmasligini bildirdi.
OAV xabarlariga koʻra, Manuel Neuer Yevropa chempionatidan soʻng xalqaro faoliyatini yakunlaganini eʼlon qilgan boʻlsa-da, u terma jamoaga qaytishga tayyor boʻlishi mumkin. Ayniqsa, Neuerning Bavariya bilan shartnomasini 2027-yilgacha uzaytirgani bu boradagi mish-mishlarni yanada kuchaytirdi.
Oliver Kahn va Stefan Effenberg kabi mutaxassislar vaziyatdagi noaniqlikdan xavotirda. Effenbergning fikricha, Baumann kutib oʻtirmasdan, darhol bosh murabbiyga qoʻngʻiroq qilib, oʻz maqsadlarini aniq ifoda etishi va jamoatchilik oldida ham oʻz pozitsiyasini ochiq bayon qilishi kerak.
Izohlar 0
…