2018 yil 12 noyabrdagi PF-5574-sonli Prezident Farmoni bilan 2019 yilda rasmiy sanalarni nishonlash davrida qo‘shimcha ishlanmaydigan kunlar belgilanib, dam olish kunlari ko‘chirilgan edi.
Mazkur farmon asosida iyun oyida ham ko‘chirilgan dam olish kuni mavjudligini hisobga olib, amaliyotda yuzaga kelishi mumkin bo‘lgan tushunmovchiliklarning oldini olish maqsadida ushbu masala yuzasidan qisqacha sharh berib o‘tiladi.
Eng avvalo, haftadagi ish kunlari soni dam olish kunlariga ta’sir qilishini unutmaslik kerak. Ya’ni, 5 kunlik ish haftasidagi xodimlar iyun oyida 11 kun dam olishadi, haftasiga 6 kun ishlaydigan xodimlar esa iyunda 6 kun dam olishadi.
Kelayotgan shanba kuni barcha uchun ish kuni bo‘ladi
Xususan, 1 iyun - shanba kuni, O‘zbekistondagi barcha xodimlar uchun ish kuni bo‘ladi. O‘zi shanba kuni haftasiga 6 kun ishlovchi xodimlar shundoq ham ishga chiqar edi. Lekin 5 kunliklar dam olishardi.
Ammo 12.11.2018 yildagi Prezident farmoni asosida 1 iyundagi dam olish kuni 6 iyunga ko‘chirilgan.
Buning natijasida haftasiga 5 kun ishlovchilar uchun:
1 iyun, shanba - ish kuni;
6 iyun, payshanba - dam olish kuni bo‘ladi.
Ramazon Hayiti arafasidagi dam olish kunlari
Joriy yilning 30 may kuni «Ramazon hayitini nishonlash to‘g‘risida»gi Prezident qarori qabul qilindi.
Qarorga muvofiq, O‘zbekiston musulmonlari idorasining 2019 yilda Ramazon hayitining birinchi kuni 5 iyun chorshanba kuniga to‘g‘ri kelishi haqida qabul qilgan qarori inobatga olinib, shu kun Ramazon hayiti sifatida keng nishonlanadi.
Bundan xulosa qilish mumkinki, haftasiga 5️ kun ishlovchi xodimlar 5 va 6 iyun kunlari ketma-ket ikki kun dam olishadi. 7 iyun, juma kuni odatdagiday ish kuni bo‘lsa, 8 va 9 iyun kunlari (shanba-yakshanba) esa odatdagiday dam olish kuni bo‘ladi.
Yana bir bor ta’kidlash joiz, bu faqat haftasiga 5 kun ishlovchi xodimlarga taalluqli. Shanba rasman ish kuni bo‘lgan (6 kunlik ish haftasi) xodimlar hafta o‘rtasida faqat Ramazon hayiti kuni (5 iyun) dam olishadi, 6 iyun kuni esa ular uchun ish kuni bo‘ladi.
Xushnudbek Xudayberdiyev, huquqshunos
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
