4 410
O‘zbekistonda Germaniya yuk mashinalarini noqonuniy hibsga olgan MXX sobiq polkovnigi ustidan sud ishi boshlandi
Foto: Fergana News
O‘zbekiston Oliy harbiy sudi MXX (hozirgi DXX) Tergov boshqarmasi tergov bo‘limining sobiq boshlig‘i, polkovnik Nodir To‘raqulov ishini kassatsiya tartibida ko‘rishni boshladi, deb xabar beradi Daryo.
Mazkur ish To‘raqulovdan jabrlanganlardan birining shikoyat arizasiga ko‘ra qo‘zg‘atilgan. Bu To‘raqulov ustidan uchinchi sud ishi hisoblanadi.
To‘raqulovga ochilgan ilk sud ishi o‘tgan yilning 25 oktyabrida yakunlanib, MXX (hozirgi DXX) sobiq polkovnigi 14 ta modda bo‘yicha aybdor deb topilgan va 16 yilga ozodlikdan mahrum qilingan.
Keyinchalik To‘raqulov ustidan yana 10 ga yaqin modda bo‘yicha yangidan jinoyat ishi qo‘zg‘atildi. Hozirda sud davom etmoqda.
Kassatsiya sudlov hay’ati tomonidan ko‘rilayotgan ushbu ish Nodir To‘raqulovdan jabrlanganlardan biri — Germaniyaning International Spedition Willi Bets shirkatining O‘zbekistondagi vakillarining shikoyat arizasi asosida qo‘zg‘atilgan.
Qayd etilishicha, jabrlanuvchi tomon Nodir To‘raqulovni nemis shirkatiga qarashli 17 dona Mercedes-Benz Aktros avtomashinasini noqonuniy hibsga olib, shirkatga 4 800 000 yevro miqdorida zarar yetkazganlikda ayblamoqda.
2018 yilning 25 oktyabr kuni Nodir To‘raqulovga oid sud hay’ati nemis shirkati vakillarining da’vo arizasini qanoatlantirmasdan rad qilgan.
Nodir To‘raqulov ishi bo‘yicha guvohlar va jabrlanuvchilar bilan suhbatlashgan «Ezgulik» jamiyati rahbari Abdurahmon Tashanovga ko‘ra, To‘raqulovga nisbatan ochilgan ikkinchi jinoyat ishi doirasida u yana 10 ga yaqin modda bo‘yicha ayblanmoqda.
Tashanovning aytishicha, Nodir To‘raqulovga nisbatan odam o‘g‘irlash, qotillik, qiynoqqa solish singari yana o‘nga yaqin modda bilan ochilgan jinoyat ishi sudga oshirilgan.
Jinoyat ishida protsessual Kodeksning davlat sirlariga oid qismi mavjudligi bois sud yopiq tarzda o‘tmoqda. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Vladimir Putin «Krokus»da sodir etilgan terakt uchun o‘ch olishga chaqirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Rossiya dunyodagi birinchi vodorod yoqilg‘ili avtomobilni taqdim etdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi