«Zamin» fondi vasiylik kengashi raisi Ziroat Mirziyoyeva O‘zbekistondagi bolalarni Xalqaro bolalarni himoya qilish kuni bilan tabrikladi.
«Aziz bolajonlar! Sizlarni Xalqaro bolalarni himoya qilish kuni bilan tabriklayman! O‘zbekistonimizning har bir o‘g‘il-qizi tinch-osuda yurtda, ota-onasi bag‘rida, jismu joni salomat bo‘lib ulg‘ayishini tilayman.
1 iyun sanasini bayram qilib nishonlashga o‘rganganmiz. Ammo odatda bolajonlarning quvnoq ovozlari, beg‘ubor kulgilariga to‘la saylgohlar, teatr va konsert zallari bugun huvillab qolgan. Deyarli barcha davlatlarda holat shunday, dunyo bolalari kattalar qatori asosiy vaqtini uyda o‘tkazishga majbur. Ayni o‘ynab, harakat qiladigan yoshda bu oson emas, albatta. Biroq vaziyat shuni taqozo etmoqda.
O‘g‘il-qizlarim.
Tashqi olam bilan bog‘lanish imkoni cheklangan bo‘lsa-da, sizning imkoniyatingiz cheklanmagan! Uyda ham badiiy asar mutolaa qilib, orzu-o‘ylaringizni tasvir yoki musiqada ifodalab, qo‘shimcha fanlar, xorijiy tillar, shuningdek, ona Zaminimizni o‘rganishingiz, internet orqali bilim va tafakkuringizni kengaytirishingiz mumkin.
Afsuski, ayrim insonlarning jismoniy imkoniyatlari boshqalarnikidan bir oz farq qiladi. «Zamin» fondi Xalqaro bolalarni himoya qilish kunida eshitish qobiliyati zaif bolalar uchun ta’limni rivojlantirish dasturini taqdim etmoqda. Loyiha doirasida maxsus maktablarni zamonaviy yordamchi uskunalar bilan jihozlash, o‘qitish usullarini takomillashtirish ko‘zda tutilgan.
Eng asosiysi, muntazam ravishda jarrohlik amaliyoti yo‘li bilan o‘quvchilarning eshitish qobiliyatini tiklash ustida ish olib boriladi. Bu degani, sog‘lig‘ida muammosi bo‘lgan bolalar xuddi sizga o‘xshab mehribon onajonisi, g‘amxo‘r otasining ovozlarini, atrof-borliqdagi tovushlarni, musiqa ohanglarini eshita oladi, to‘laqonli hayot kechiradi!
«Zamin» fondi, jismoniy holatidan qat’i nazar, barcha bolajonlarga quvonch ulashishga tayyor. Zero, siz ko‘zimiz quvonchi, bizning ertamiz va hayotimiz mazmunisiz!», deyiladi tabrikda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Rossiya dunyodagi birinchi vodorod yoqilg‘ili avtomobilni taqdim etdi
Germaniyada maktab o‘quvchilari ommaviy ravishda islom dinini qabul qilmoqda