Majburiy ijro byurosi Uchko‘prik tuman bo‘limi ish yurituvida fuqarolik ishlari bo‘yicha Rishton tumanlararo sudining 13.09.2019 yildagi 2-1505-1904/9113-sonli sud buyrug‘iga ko‘ra, qarzdor Sh.Eshmatovdan undiruvchi M.Eshmatova foydasiga bir nafar farzandining moddiy ta’minoti uchun 1/4 qism miqdorida aliment undirish belgilangan.
Biroq, sud buyrug‘ida qarzdorning manzili sifatida ko‘rsatilgan Sariqqo‘rg‘on qishlog‘idan Sh.Eshmatovni topish imkoni bo‘lmagan, aslida sud jarayonida qatnashgan qarzdor ota ro‘yxatdan o‘tmasdan yashayotgan manzili haqida ma’lum qilmasdan atayin ro‘yxatdan o‘tgan, lekin yashamayotgan manzilini yozdirgan.
Buni qarangki, fuqarolik ishlari bo‘yicha Rishton tumanlararo sudi 23.12.2019 yilda fuqaro Sh.Eshmatovning ikkinchi farzandi uchun ham 2-1505-1909/9354-sonli sud buyrug‘i chiqarib, Byuroning Uchko‘prik tuman bo‘limiga yuborgan.
Har ikkala sud buyruqlari bir ish yurituviga birlashtirilib, qarzdorning telefon raqami orqali bir necha marotaba ogohlantirilgan, lekin suhbatlar jarayonida u ro‘yxatdan o‘tmasdan yashab kelayotgan yashash manzili haqida ma’lum bermagan. Hattoki, 2 nafar farzandining moddiy ta’minoti haqida o‘ylab ham o‘tirmasdan to‘lashdan bo‘yin tovlab kelgan.
Shu asnoda, joriy yilning may oyida qarzdor Sh.Eshmatov Byuroning tuman bo‘limi qidiruv shu’basi inspektorlari tomonidan ushlanib, unga nisbatan ish kuni davomida O‘zbekiston Respublikasi MJtKning 47-4-moddasi bilan hujjatlar rasmiylashtirilgan va tuman ma’muriy sudiga taqdim etilgan, lekin sud protsessi boshlanmasdan qarzdor sud binosidan qochib ketgan.
Qarzdorga nisbatan e’lon qilingan qidiruv bo‘yicha ichki ishlar bo‘limi va mahalla faollari bilan hamkorlikda keng ko‘lamli tadbirlar o‘tkazilib, qariyb 7 oydan so‘ng joriy yilning 2 dekabr kuni qarzdor M.Eshmatovning yangi yashab kelayotgan manzili aniqlangan. Shu kunning o‘zida ma’muriy sud uning ishini ko‘rib chiqib, 1 dekabr holatiga 17 mln. 472 ming so‘m aliment qarzini to‘lashni taklif qilgan, rad qilgach 15 sutka ma’muriy qamoq jazosi taiynlangan.
Hozirda M.Eshmatov ma’muriy qamoq jazosini o‘tamoqda, biroq bilan aliment qarzi zimmasidan soqit bo‘ladi degani emas. Shuningdek, u aliment to‘lovlarini kelgusida yana to‘lashdan bo‘yin tovlab yurgan taqdirda uni jinoiy javobgarlik ham kutib turibdi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
