102,6 million so‘mlik biologik aktiv qo‘shimchalarni noqonuniy aylanmasiga chek qo‘yildi

Bojxona organlari tomonidan yashirin iqtisodiyotga chek qo‘yish maqsadida hamda yurtimizga noqonuniy yo‘llar bilan dori-darmonlarni kirib kelishiga qarshi tezkor tadbirlar muntazam o‘tkazilib kelinmoqda.

Jumladan, qo‘shni mamlakatdan Toshkent viloyati bojxona boshqarmasi “G‘ishtko‘prik” chegara bojxona postiga piyoda holda kirib kelgan fuqaro A.U.ning qo‘l yuklari bojxona ko‘rigidan o‘tkazilganida,  uning sumkasi ichidan, og‘zaki so‘rovda ma’lum qilinmagan va yo‘lovchi bojxona deklaratsiyasida yozib ko‘rsatilmagan, umumiy qiymati 52,3 million so‘mlik jami 102 dona “UNICAMEL” nomli bialogik aktiv qo‘shimcha tovarlari borligi aniqlandi.

Yana bir holatda “G‘ishtko‘prik” chegara bojxona postiga qo‘shni mamlakatdan kirib kelgan fuqaro B.A.ning qo‘l yuklari bojxona ko‘rigidan o‘tkazilganida, uning sumkasi ichida og‘zaki so‘rovda ma’lum qilinmagan va yo‘lovchi bojxona deklaratsiyasida yozib ko‘rsatilmagan, umumiy qiymati 50,2 million so‘mlik, jami 98 dona “UNICAMEL” va “UNI BALM” nomli biologik faol qo‘shimchalar borligi aniqlandi.

Hozirda mazkur holat yuzasidan bojxona organlari tomonidan surishtiruv harakatlari olib borilmoqda. “Zamin” yangiliklarini “Odnoklassniki”da kuzatib boring