14:45 / 27.05.2021
1 180

Jizzaxda harakatlanayotgan «Lacetti»dan tanasini chiqarib olgan qizga chora ko‘rildi

Jizzaxda harakatlanayotgan «Lacetti»dan tanasini chiqarib olgan qizga chora ko‘rildi

Skrinshot
Harakatlanayotgan avtomobil lyukiga o‘tirib olib, qoidabuzarlik sodir etgan qiz Jizzax viloyati IIB tomonidan jarimaga tortildi, deb xabar beradi IIV YHXBB axborot xizmati.

23 may kuni ijtimoiy tarmoqlarda Jizzax viloyati hududidan o‘tgan avtomobil yo‘li bo‘ylab harakatlanayotgan Lacetti mashinasi ichida bo‘lgan yo‘lovchi qiz avtomobil lyukiga o‘tirib olgani tasvirlangan video tarqaldi. Viloyat IIB xodimlari tomonidan olib borilgan surishtiruv ishlari davomida qoidabuzarlarning shaxsiga aniqlik kiritilgan.

Yo‘lovchi qizga nisbatan Ma’muriy javobgarlik to‘g‘risidagi kodeksning 138-moddasi (transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) bilan ma’muriy bayonnoma tuzilib, BHMning 1 baravari (245 ming so‘m) miqdorida jarimaga tortilgan.

«Uzr so‘rayman. Avtomobil egasi rulda emasdi, Vali ismli tanishim bilan edik. Avtomobil egasi, rafiqasi, oila a’zolaridan uzr so‘rayman. Qo‘llaridan kelsa, kechirishsin. Meni deb bitta oila buzilib ketishini istamayman», — deydi qiz.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Jizzaxda harakatlanayotgan «Lacetti»dan tanasini chiqarib olgan qizga chora ko‘rildi