O‘zbekiston Prezidenti Shavkat Mirziyoyev turizm qo‘mitasi va Ekologiya vazirligini qayta tashkil etish to‘g‘risida qaror qabul qildi, deb xabar berdi davlat rahbari matbuot xizmati. Turizm qo‘mitasi alohida organ sifatida ajratiladi.
Shu bilan birga, vazirlik negizida Milliy ekologiya va iqlim o‘zgarishi qo‘mitasi tashkil etiladi va u Vazirlar Mahkamasi tarkibidan chiqariladi. Ushbu qo‘mitaga prezidentning ekologiya masalalari bo‘yicha maslahatchisi rahbarlik qiladi.
Yangi ekologiya qo‘mitasi «Chiqindilarsiz hudud», «Toza havo», «Yashil makon», «Ekokultura» va «Bionasldorlik» kabi milliy loyihalarni amalga oshirish bilan shug‘ullanadi. Shuningdek, qo‘mita tarkibida «Ekoloyihalar fabrikasi» va Ekologik politsiya tashkil etiladi.
Alohida qarorda Milliy ekologik monitoring markazi faoliyatini tashkil etish masalalari ko‘rib chiqilgan. 2026-yil sentabr oyiga qadar ekologiya bo‘yicha yagona onlayn platforma ishga tushiriladi.
I va II toifadagi korxonalar 2026-yil 1-martga qadar fon monitoringi stansiyalarini o‘rnatishi shart. Aks holda, kompensatsiya to‘lovlari besh barobarga oshiriladi.
Shu sanadan boshlab qonunda belgilanganlaridan tashqari barcha ekologik kompensatsiya imtiyozlari bekor qilinadi. Daraxtlarni kesish yoki ko‘chirish bo‘yicha ruxsatnomalar berish qoidalari ham qat’iylashtiriladi: ekologik talablarni buzgan holda hech qanday qaror qabul qilish taqiqlanadi.
Ekologik politsiya xodimlariga maxsus vositalar va xizmat qurolini qo‘llash huquqi beriladi, ular maxsus kamerali formalar bilan ta’minlanadi. 2026-yil aprel oyidan boshlab fuqarolar o‘rmon fondiga kirmaydigan daraxtlar o‘sadigan aholi punktlari yerlarini olib qo‘yishga qarshi tashabbus ko‘rsatish imkoniyatiga ega bo‘ladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
