“Zakovat” intellektual o‘yinining 25 yillik yubileyi doirasida o‘tgan mavsum finali tarixiy voqea bilan yakunlandi. Bellashuvda berilgan eng yaxshi savol muallifi ilk bor avtomobil bilan taqdirlandi. Bu voqea mamlakatda bilim va tafakkurga berilayotgan e’tiborning yana bir yorqin namunasiga aylandi.
Yilning eng yaxshi bilimdoni deb topilgan 17 yoshli Muhammadjon Maxadaliyev Alisher Navoiy haqidagi chuqur va mazmunli savoli bilan hakamlar e’tirofiga sazovor bo‘ldi. Natijada u elektromobil krossover egasiga aylandi. Ushbu mukofot tomoshabinlar va bilimdonlar orasida katta qiziqish uyg‘otdi.
Muhammadjon Toshkent viloyati Qibray tumanida istiqomat qiladi va Toshkent shahridagi Turin politexnika universitetida tahsil oladi. Yosh bo‘lishiga qaramay, u o‘zining bilimga chanqoqligi va izlanishi bilan ajralib turdi. Uning yutug‘i ko‘plab tengdoshlariga o‘rnak bo‘lishi qayd etilmoqda.
Mutasaddilar bunday rag‘batlantirishlar yoshlar orasida bilimga qiziqishni yanada oshirishiga ishonch bildirmoqda. Muhammadjon Maxadaliyevning yutug‘i esa O‘zbekistonda intellektual salohiyat yuqori baholanayotganining yorqin tasdig‘i bo‘ldi.
“Zamin”ni Telegramʻda oʻqing!
