Fenerbahche sobiq futbolchisi Linkoln bosh murabbiy Joze Mourinyoning o'ziga nisbatan tutumidan norozi ekanini bildirib, portugaliyalik mutaxassisni tanqid qildi. Mourinyo Istanbul klubini 2024–2025 yillarda boshqargan. Bu haqda euro-football.ru xabar beradi.
Linkolnning aytishicha, murabbiy unga bergan va'dasida turmagan va bu holatni hurmatsizlik deb qabul qilgan. Futbolchi ijara asosida Hull Siti jamoasiga ketishidan oldin Mourinyo bilan gaplashgani, u esa yozgi yig'inga Portugaliyaga chaqirishini aytganini ta'kidladi. Biroq Angliyadagi mavsum tugagach, u yig'inga taklif kutgan, tarjimon orqali bog'lanmoqchi bo'lganida esa Mourinyo muloqotdan bosh tortib, sport direktoriga murojaat qilishni aytgan.
Linkolnning so'zlariga ko'ra, jamoa Portugaliyada yig'in o'tkazayotgan paytda u ham Portugaliyada bo'lgan, shunga qaramay Mourinyo uni Istanbulga qaytarib, alohida mashg'ulot o'tkazishni buyurgan. U bu qarorni adolatsiz va hurmatsiz munosabat sifatida baholab, klub uchun ko'plab o'yinlarda o'z pozitsiyasida bo'lmasa ham bor kuchi bilan harakat qilganini, og'ir jarohatdan keyin esa yetarli qo'llab-quvvatlov ko'rmaganini qo'shimcha qildi.
Ma'lumot uchun, hozirda Joze Mourinyo Benfika klubini boshqarmoqda.
“Zamin”ni Telegramʻda oʻqing!
