Fransiya chempionatining 19-turida PSJ safarda quyi pog'onadagi «Oser»ga qarshi oson bo'lmagan sinovdan o'tdi. Parijliklar raqib maydonida ko'p mehnat qilib, minimal hisobdagi g'alabani zo'rg'a ilib ketdi. Bu haqda euro-football.ru xabar beradi.
Uchrashuv davomida eng ko'p tanqid Barcola tomoniga yog'ildi: u ketma-ket vaziyatlarni sovurib, o'yinda sust ko'rindi. Biroq 62-daqiqada Dembelening zaxiradan maydonga tushishi Barcolani jonlantirdi va aynan shu duet yakunda g'alaba golini yaratdi.
79-daqiqada Barcola hisobni ochdi va PSJga 0:1 hisobidagi muhim uch ochkoni olib keldi. Shunga qaramay, «Yevropa-Futbol.Ru» tahliliga ko'ra, parijliklar tarkibida ayrim futbolchilar o'z o'yini bilan oqlay olmadi.
Eng past baholardan biri Gonsalu Ramushga berildi. U taxminan yarim soatlar atrofida bosh bilan yo'llagan zarbasida darvozabonni sinovdan o'tkazdi, ammo umuman olganda duel va kurashlarda sust bo'ldi. 62-daqiqada Dembelening o'rniga almashtirilganidan norozi bo'lgani ham bejiz emas edi: hujumchi avvalo o'zidan ranjishi kerak edi.
Uorren Zair-Emeri ham o'ng qanotda kutilgan faollikni ko'rsata olmadi. Ikkinchi bo'limda «Oser» uning zonasidan bir necha bor xavfli yurishlar uyushtirdi: Namaso va Sinayoko raqibini driblingda ko'p marta ortda qoldirdi, Zair-Emeri esa kurashlarda tez-tez yutqazdi.
Markaziy himoyada o'ynagan Ilya Zabarniy va Lukas Beraldo ham ishonchli ko'rinmadi. Ular Zair-Emerini sug'urtalashga urinib, ayrim epizodlarda vaziyatni yanada og'irlashtirib yubordi. Raqibni jarima maydonida nazorat qilishda muammolar ko'zga tashlandi, Beraldo esa ayrim holatlarda xatoni bevosita jarima maydoni ichida qilib qo'ydi.
O'yin 23 yanvar kuni Oser shahridagi «Abbe-Desham» stadionida bo'lib o'tdi va PSJ 0:1 hisobida g'alaba qozondi.
“Zamin”ni Telegramʻda oʻqing!
