"Atletiko" bosh murabbiyi Diyego Simeone Chempionlar ligasi yarim finalida "Arsenal"ga qarshi o'yinda jarohat olgan Xulian Alvaresning holati bo'yicha ma'lumot berdi. Madridda 1:1 hisobida yakunlangan dastlabki uchrashuv oxirida argentinalik hujumchi maydonni tark etishga majbur bo'lgan edi. Bu haqda Goal.com xabar beradi.
Alvares o'yin tugashiga 13 daqiqa qolganida "Arsenal" yarim himoyachisi Eberechi Eze bilan to'qnashuvda to'pig'idan jarohat oldi. Biroq Simeone o'yindan keyingi matbuot anjumanida vaziyat jiddiy emasligini ta'kidladi.
Murabbiyning so'zlariga ko'ra, Alvares, shuningdek, yengil jarohat olgan Jiliano Simeone va Aleksandr Sorlot seshanba kuni Londonda bo'lib o'tadigan javob uchrashuvida ishtirok etadi. "Ularning barchasi seshanba kuni maydonga tushishiga shubham yo'q", dedi Simeone.
"Atletiko" javob o'yinidan oldin Ispaniya chempionatida "Valensiya"ga qarshi maydonga tushadi. Ushbu uchrashuvda asosiy o'yinchilarni himoya qilish maqsadida tarkibda o'zgarishlar bo'lishi kutilmoqda.
“Zamin”ni Telegramʻda oʻqing!
