Tesla kompaniyasi o'z elektromobillarining asosiy afzalligini eslatib o'tdi. Ichki yonuv dvigatelli avtomobillarga qaraganda ularning energiya samaradorligi ancha yuqori ekani ta'kidlandi. Bu haqda Ixbt.com xabar beradi.
Kompaniya hisob-kitoblariga ko'ra, zamonaviy Tesla elektromobilidan foydalanish xuddi shunday masofani bosib o'tadigan yonilg'i mashinasiga nisbatan taxminan 70 foizga arzonroq tushadi.
Bunga asosiy sabab foydali ish koeffitsiyentidagi keskin farqdir. Ichki yonuv dvigatellari yonilg'i energiyasining atigi 20-30 foizini harakatga aylantiradi, qolgan qismi esa issiqlik ko'rinishida yo'qotiladi.
Elektromobillar esa akkumulyator energiyasidan ancha samarali foydalanadi. Energiyaning qariyb 85-90 foizi bevosita harakatlanish uchun sarflanadi.
Natijada bir xil masofani bosib o'tish uchun sezilarli darajada kamroq energiya talab etiladi. Bu esa avtomobil egasining xarajatlarini kamaytirib, umumiy tejamkorlikni oshiradi.
“Zamin”ni Telegramʻda oʻqing!
