“Monako” hujumchisi Folarin Balogun 2026 yilgi jahon chempionati arafasida o‘z kutganlari haqida gapirdi. Bu haqda euro-football.ru xabar beradi.
Eslatib o‘tamiz, turnir mezbonlaridan biri AQSh bo‘ladi. Balogun aynan AQSh terma jamoasi safida maydonga tushadi.
“Men doim aytaman: eng muhimi — mundialga qanday sport formasi bilan kelishing. Hozir “Monako”da bor e’tiborimni maydondagi o‘yinimga qaratishim kerak, bu esa turnirga eng yaxshi holatda borishimga yordam beradi”, — deya futbolchining so‘zlarini klub matbuot xizmati keltirdi.
2026 yilgi jahon chempionati tarixda ilk bor bir vaqtning o‘zida uch davlat — AQSh, Kanada va Meksikada o‘tkaziladi. Shuningdek, turnirda ilk marta 48 ta terma jamoa ishtirok etadi.
AQSh bundan avval mundialga 1994 yilda mezbonlik qilgan, o‘shanda chempionlikni Braziliya qo‘lga kiritgan edi.
“Zamin”ni Telegramʻda oʻqing!
