Germaniya Bundesligasining 19-turida Sanakt-Pauli o'z maydonida RB Leyptsigni qabul qildi va uchrashuv 1:1 hisobida yakunlandi. Bu haqda euro-football.ru xabar beradi.
O'yin boshida mehmonlar tezda hisobni ochib yuborishi mumkin edi: 8-daqiqada Ksaver Shlagerning zarbasi ustunga tegib qaytdi. Sanakt-Pauli ham javobsiz qolmadi: Riki-Jeyd Jons jarima maydonida imkoniyatga ega bo'ldi, biroq zarbasi nishonga bormadi va vaziyatda ofsayd ham qayd etildi. Birinchi bo'lim oxirlarida esa Yan Diomandning uzatmasidan keyin Antonio Nusuning zarbasini darvozabon qaytardi.
66-daqiqada RB Leyptsigning burchakdan uzatmasi muvaffaqiyatsiz chiqqandek ko'rindi, ammo hujum davom etdi va Diomand rikoshet yordamida to'pni darvozaga yo'llab, hisobni ochdi — 0:1.
Uchrashuvning kompensatsiya qilingan daqiqalarida David Raum jarima maydonida Marteyn Karsga qarshi qoida buzdi va hakam penalti belgiladi. 11 metrlik zarbani Kars golga aylantirdi: darvozabon zarba yo'nalishini topgan bo'lsa-da, to'pni qaytara olmadi — 1:1.
Durangdan so'ng “Buqalar” turnir jadvalida 4-o'ringa ko'tarildi, Sanakt-Pauli esa pastki qismda — oxirdan ikkinchi pog'onada qolmoqda.
“Zamin”ni Telegramʻda oʻqing!
