SpaceX kompaniyasi Starship kosmik kemasini ishlab chiqish uchun 15 milliard dollardan ortiq mablag' sarfladi. Bu haqda Reuters agentligi o'rganib chiqqan IPO hujjatlarida qayd etilgan. Bu haqda Ixbt.com xabar beradi.
Taqqoslash uchun, Falcon 9 raketasini yaratish xarajatlari qariyb 400 million dollarni tashkil etgan. Starship hozirda SpaceX uchun eng qimmat va strategik jihatdan muhim loyiha hisoblanadi.
Starship ikki bosqichli o'ta og'ir raketa bo'lib, u Starlink V3 sun'iy yo'ldoshlarini orbitaga olib chiqish, shuningdek, Oy va Marsga odamlarni parvoz qildirish uchun mo'ljallangan.
2025-yilda kompaniya kosmik segmentdagi ilmiy-tadqiqot ishlari uchun 3 milliard dollar sarflagan va bu mablag'ning barchasi Starship loyihasiga yo'naltirilgan.
Hozirda SpaceX oktyabr oyidagi tanaffusdan so'ng Starship raketasining navbatdagi parvoziga tayyorgarlik ko'rmoqda. Bu safar V3 versiyasi sinovdan o'tkazilishi rejalashtirilgan.
“Zamin”ni Telegramʻda oʻqing!
