Krishtianu Ronaldu murabbiy bilan kelishuvga ko'ra OFK Chempionlar ligasi 2 guruh bosqichi uchrashuvlarida maydonga tushmayapti. Osiyodagi ikkinchi darajali klublar turnirida yetakchisiz qolayotganiga qaramay, «Al-Nasr» ishonchli natija ko'rsatmoqda. Bu haqda euro-football.ru xabar beradi.
Chorshanba kuni Saudiya klubi guruhdagi beshinchi o'yinini ham yutdi: jamoa Tojikistonda «Istiqlol»ni 4:0 hisobida yirik mag'lub etdi va besh o'yinning barchasida g'alaba qayd etdi.
Uchrashuvdan so'ng Ronaldu ijtimoiy tarmoqlarda «Al-Nasr»ning guruhni birinchi o'rinda yakunlab, keyingi bosqichga chiqqani haqidagi postni repost qildi. Krishtianu xabariga ikki emodzi — olov va qarsaklarni qo'shdi.
40 yoshli Ronaldu «Al-Nasr» bilan amaldagi shartnomasi bo'yicha 2027 yilning o'rtalarigacha klubda qolishi ko'zda tutilgan.
Shu orada internetda Ronaldu va Tojikiston bilan bog'liq soxta xabarlar ham muhokama qilinmoqda.
“Zamin”ni Telegramʻda oʻqing!
