Autohome nashri xabariga ko‘ra, yangi avlod BMW X5 (G65) krossoveri 2026-yilning avgust oyida konveyerdan chiqishni boshlaydi. Dastlabki bosqichda X5 40 xDrive va X5 40d xDrive modifikatsiyalari ishlab chiqarilishi kutilmoqda. Xitoy bozori uchun mo‘ljallangan uzaytirilgan G78 indeksi ostidagi versiya esa 2027-yilning birinchi choragida sotuvga chiqadi. Bu haqda Ixbt.com xabar beradi.
Yangi model BMW Neue Klasse uslubidagi zamonaviy dizayn yechimlariga ega bo‘ladi. Avtomobil yangilangan CLAR platformasi negizida qurilib, uning uzunligi qariyb 4994 mm, g‘ildirak bazasi esa 3035 mm ni tashkil etadi. Xaridorlarga kuzov ranglarining keng palitrasi, jumladan, oq, qora, kulrang, yashil va ko‘k ranglarning turli tuslari taqdim etiladi.
BMW muhandislari model uchun besh xil turdagi kuch qurilmasini tayyorlamoqda: benzinli, dizelli, plagin-gibrid, to‘liq elektr va vodorod yoqilg‘isida ishlaydigan dvigatellar. Benzinli versiya 400 ot kuchiga ega 3,0 litrli motor va 17 ot kuchli 48 voltli «yumshoq» gibrid tizimi bilan jihozlanadi.
Gibrid modifikatsiyalar ham sezilarli darajada yangilanadi. X5 50e versiyasi 313 ot kuchli benzinli dvigatel va 197 ot kuchli elektromotor bilan ta’minlansa, yanada qudratliroq X5 M60e modeli 425 ot kuchiga ega motor va o‘sha elektromotor kombinatsiyasida ishlaydi.
“Zamin”ni Telegramʻda oʻqing!
