Taniqli insayder Digital Chat Station yangi ixcham flagman smartfon haqidagi qiziqarli ma’lumotlarni oshkor qildi. Qurilma 6,39 dyuymli displey bilan jihozlangan bo‘lib, uning tomonlar nisbati 16:10 ni tashkil etadi. Bu ko‘rsatkich smartfonni yoyilgan holatdagi buklanuvchi qurilmalarga yaqinlashtiradi. Ekran taxminan 2100 x 1300 piksel o‘lchamiga ega bo‘lishi kutilmoqda. Bu haqda Ixbt.com xabar beradi.
Smartfon prototipi flagman darajasidagi Dimensity 9-seriyali protsessor bazasida ishlaydi. Eng e’tiborli jihati shundaki, qurilma ixcham o‘lchamiga qaramay, 7000 mA·soat sig‘imli akkumulyator bilan ta’minlanadi. Bu zamonaviy smartfonlar uchun juda yuqori ko‘rsatkich hisoblanadi.
Qurilmaning asosiy ustunligi uning kamera tizimida bo‘ladi. Smartfon 50 megapikselli asosiy sensor va periskopik teleobyektivni o‘z ichiga olgan uchta kamera moduli bilan jihozlanadi. Bu yechim foydalanuvchilarga sifatli optik yaqinlashtirish imkonini beradi.
Digital Chat Station avvalroq Xiaomi 15 va Xiaomi 15 Pro smartfonlari, shuningdek, Realme GT 7 Pro displeyi hamda Dimensity 9400 protsessorining chiqarilish sanasi haqidagi ma’lumotlarni aniq bashorat qilgan edi. Shu bois, yangi qurilma haqidagi bu xabarlar texnologiya ixlosmandlarida katta qiziqish uyg‘otmoqda.
“Zamin”ni Telegramʻda oʻqing!
