Fransuz himoyachisi Teo Ernandes “Milan”ni tark etib, Saudiya Arabistoniga yo‘l oldi. Biroq yangi jamoasida u kutilgan darajada taassurot qoldirmayapti va “Al-Hilol” muxlislari futbolchining o‘yinidan ochiqchasiga norozilik bildira boshladi. Bu haqda euro-football.ru xabar beradi.
Yaqinda Teo klubning navbatdagi mag‘lubiyatidan so‘ng ijtimoiy tarmoqlarda muxlislardan uzr so‘rashga qaror qildi. Ammo bu qadam uni qo‘llab-quvvatlash o‘rniga, izohlarda keskin tanqidlar to‘lqinini keltirib chiqardi.
Kommentariyalarda ishqibozlar uning uzrlari “zerikarli” bo‘lib qolganini, Ernandes vazn orttirgani va avvalgidek tezlikda yugurmayotganini yozishdi. Ayrimlar esa u maydonda shunchaki “raqam o‘tayotgani”, bu holat hatto Saudiya chempionatida ham yaqqol ko‘rinayotganini ta’kidladi.
“Zamin”ni Telegramʻda oʻqing!
