Bundesliganing 19-turida “Sankt-Pauli” o‘z maydonida “RB Leyptsig”ni qabul qildi va bahs 1:1 hisobida yakunlandi. Bu haqda euro-football.ru xabar beradi.
Uchrashuvning 8-daqiqasidayoq “buqalar” oldinga chiqib ketishi mumkin edi: Ksaver Shlager zarbasi ustunga tegib qaytdi. Birinchi bo‘limda mezbonlar ham xavfli vaziyat yaratdi — Riki-Jeyd Djons jarima maydonida nazoratsiz qolgan bo‘lsa-da, darvozani nishonga ola olmadi, ustiga-ustak ofsaydda edi. Tanaffus arafasida Yan Diomandning uzatmasidan keyin Antonio Nusaning zarbasini darvozabon qaytardi.
66-daqiqada mehmonlar burchak to‘pidan foydalana olmadi, ammo hujum davom etdi va Diomand rikoshet yordamida to‘pni darvozaga kiritib, hisobni ochdi — 0:1. Qo‘shimcha daqiqalarda esa David Raum jarima maydonida Marteyn Karsga nisbatan qoida buzdi va hakam penalti belgiladi. 11 metrlik zarbada Kars darvozabon yo‘nalishni topganiga qaramay, aniq tepib, muvozanatni tikladi — 1:1.
Durangdan keyin “RB Leyptsig” turnir jadvalida 4-o‘ringa ko‘tarildi, “Sankt-Pauli” esa quyi pog‘onalarda — oxiridan ikkinchi o‘rinda qolmoqda.
“Zamin”ni Telegramʻda oʻqing!
