Google Chrome brauzeri foydalanuvchilarning roziligisiz ularning qurilmalariga 4 GB hajmdagi Gemini Nano sun'iy intellekt modelini yuklab olishni boshladi. Ushbu jarayon hech qanday ogohlantirishsiz va rad etish imkoniyatisiz amalga oshirilmoqda. Bu haqda Thatprivacyguy.com xabar beradi.
Mutaxassislarning ta'kidlashicha, foydalanuvchi ushbu modelni o'chirib tashlagan taqdirda ham, brauzer uni avtomatik ravishda qayta yuklab oladi. Faqatgina korporativ boshqaruv vositalaridan foydalangan holda ushbu jarayonni to'xtatish imkoni mavjud.
Tadqiqotchilar ushbu holatni nafaqat huquqiy, balki ekologik jihatdan ham tahlil qilishdi. Milliardlab qurilmalarga bunday hajmdagi ma'lumotlarning yuklanishi va saqlanishi global miqyosda energiya sarfini keskin oshirib, iqlimga salbiy ta'sir ko'rsatishi mumkin.
“Zamin”ni Telegramʻda oʻqing!
